و بتسأل مين أنا؟
داليا زيادة
و بتسأل مين أنا؟
أنا الأفعال
و أنا الفاعل و أنا المفعول
أنا في حياتك
الفرحة
لكني مبني للمجهول
أنا ضحكة
عيون سارحة
و قصة حب مش معقول
أنا كنوز السما السابعة
أنا أسرار
لكل ذهول
أنا المجمل
في أحلامك
و دينامو عقلك المشلول
أنا الشمس
و أنا المطرة
أنا نسمة ما ليها فصول
أنا نعمة
بعتها الرب
تداوي قلبك المخبول
أنا عصفور
بألف جناح
وسجنه أمر مش مقبول
أنا فرصة
بايديك ضاعت
لأنك كنت غير مسؤول
أنا هجري
خطايا لعمر
طريق التوبة فيه مقفول