Wednesday, February 14, 2007

بمناسبة عيد الحب حبيت أنكد عليكم شوية







يا جماعة انا أسفة إني مضطرة أشيل قصة مروة و صورها بسبب ضغط كبير عليها من البيت, شوفتوا الاستبداد وصل لدرجة أيه؟!!!!! و على فكرة مروة كتبت لكم رسالة يا ريت تقرأوها:

احترت أبدأ كلامي ازاي و منين, للأسف مش عارفه بس عاوزة أقولكم إني بجد سعيدة بأنجذابكم لقضيتي و أكيد السبب يرجع لحبيبة قلبي "داليا" لأنها صاحبة الفكرة من البداية و اللي كانت فتحة خير عليا بديت أحس بتفاؤل و أنظر للموضوع بنظرة جميلة و سهلة و بدأنا أنا و أحمد نفكر في حلول ممكن تكون ساعدت على فتح الموضوع بطريقة جديدة و إن شاء الله يكمل على خير بس استمروا في الدعاء, و ممكن تسمعوا قريب عن أخبار تسعدكم

و بشكركم على الحب اللي حسيته من كلامكم و من خلال تعليقاتكم حب من القلب بجد, حتى لو كانت بعض الحلول مدمرة لا تتفق مع أسلوب حياتي بس يكفيني الاهتمام و الشيء الأكثر سعادة صداقات حدثت بيني و بين أحد المعلقين, حيث إن دي مش مشكلتي لوحدي بالعكس مشكلة كتير مننا بتحكمهم التقاليد و التحكمات في المصير. بس طول ما في حب في امل, و الأمل رغبة في الحياة و الصبر و الإصرار أهم شيء

أخيرا بشكركم أنا و أحمد و بعتذر عن مسح القصة من المدونة لأسباب خاصة بي و بتمنى لأي حد زيي و في نفس حالتي إننا نتحرر و نوصل لهدفنا في حياة مليئة بالحب.





و أخيرا اسمعوا الأغنية دي و هي من الأغاني المفضلة لأحمد و مروة, أغنية "ليه هنضيع" دينا حايك أضغط هنا: